Wilujeng Boboran Syiam 1429H

Assalamualaikum warahmatullahiwabarakatuh
Bismillahirahmanirahim,
Alhamdulillahirabbialamin,
wabihi nastainu ala umuridunya wa diin
wasolatu wasalamu, ala asrofil anbiyai wamursalin
hotamin nabiyina muhammadan abduhu warosuluh
amabadu….

Taqabbalallahu minnaa wa minkum
Wa Ja’alanallahu minal ‘aaidin wal faaizin
Allahummaj’alnaa minas su’adai maqbulin
Wa laa taj’alna minal asyqiyaai mardudin

Mugi Allah SWT nampi ibadah saum urang sadaya oge mugi Anjeuna ngajatenkeun urang jalmi nu wangsul kana fitrah (kasucian) sareng ngajantenkeun urang jadi manusa nu untung,
Ya Allah, mugi Anjeun ngajantenkeun kami sadayana golongan manusa nu bagja nu ditampi amal ibadahna, sareng ulah dijantenkeun golongan manusa nu cilaka nu ditolak amal ibadahna

Kuring, calon presiden 2009

Geus musibah deui kapal udara urang, Sriwijaya Air Lines ngagurawes kaluar ti landasan. Nepi ka ayeuna can aya wawar nu resmi pangna eta musibah kajadian. Taun samemeh na Adam air leungit teu kuhanteu, nepi eu kacaturkeun deui. Musibah alatan alam oge teu eureun-eureun, sumatera barat, yogya, manggarai, geus puguh leutak lapindo mah. Musibah teh estuning jiga nu dijieun sorangan.

Ayeuna nagar riceuw alatan harega minyak terus naek, sedengkeun gas elpiji kawilang hese manggih. Dina kawenehan aya oge harega na ngajaul meh-mehan teu kabeuli. Ari urusan kadaharan beda deui. Beas bulog ti operasi pasar, der dicampur ku beas stok heubeul. Nu dijual teu pati hade keur didahar. Tapi cacah mah teu bisa kukumaha, ya didahar wae.

Kawijakan Ekonomi Karahayatan Liwat BLT

Taun 1938, kurang leuwih 6 bulan sautas perang china, Jepang meunang bancang pakewuh. Nyaeta ekonomi nagara nu mimiti acak-acakan. Kabutuhan hirup pating terekel naek. Anu dagang kabutuhan sapopoe, sabangsaning beas, sayur, bungbuahan teu pati payu lantaran ampir-ampir teu kabeuli. Nu dagang perkakas oge kitu. Atuh nu dagang goyobod euweuh nu meuli lantaran di jepang euweuh nu dagang goyobod. Kitu deui nu dagang putu, surabi, karedok leunca, sabab euweuh nu melak leunca di jepang.

Atuh kumaha pamarentah Jepang nungkulanna. Pamarentah nyieun kawijakan nyaeta “pamarentah kudu ngarojong usaha rahayat nu saluyu jeung potensi rahayatna”. Salah sahijina industri mobil jeung elektronik. Pamarentah jepang malah nyieun pabrik khusus ngawangun sasis mobil. Eta sasis dijual ka suwasta ku cara murah. Atuh pagawean pabrik suwasta kudu ngalengkepan mesin katut karoseri. Hasil tina pamikiran harita bisa ditingali kiwari, Jepang ayeuna ngajago di dunya industri otomotip jeung elektronik.

Leptop keur DPR, kunaon heunteu ?

Geus geunjleung deui di DPR urang. Ayeuna nu jadi bukur catur teh urusan Leptop. Kabeh milu mairan, ti mimiti koran lokal, nasional, tipi, tur nepi ka blog. Atuh kuring oge ayeuna pipilueun milu nulis urusan leptop DPR. Naha atuh ? sabab mun nulis sual Rusdi Jeung Misnem, mending meuli we bukuna, teu kudu cape nyieun blogs.

Sautas dipikir jero-jero, dibeuweung diutahkeun deui, sabenerna meuli leptop nu hargana nepi 21 juta, keur anggota dewan teh estuning PENTING. Naon sabab ?

1. Anggota dewan teh, mangrupa anggota nu terhormat, piraku browsing di internet make komputer kacangan. Komo bari jeung ceting make mIRC, mun teu make leptop moal katingali ku batur ceting yen nu ceting teh anggota nu terhormat tea.

Syukuran Tujuhwelasan

Mang Ino urang Ciendog, pagawean dagang endog di pasar inpres. Daganganna sajaba ti endog hayam nagri, hayam kampung, endog meri oge endog puyuh. Unggal poe pabeubeurang mayar retribusi pasar. Ari isuk-isuk sabada dadasar, geus nyetor duit kaamanan ka jeger pasar sarebu perak. Jang Suud, pituin Cibodas, diparengkeun meunang ngojeg di parapatan komplek imah elit di Bandung. Unggal poe nambangan, nganteurkeun langganan ka tujuan, boh kantor, pasar atawa ka sakola. Unggal pabeubeurang, sabada nganteur-nganteur budak sakola nyetor duit kaamanan sarewu limaratus perak sapoe ka pulisi nu matuh ngaliwat ka komplek.

Cep Robi pangusaha kontraktor bangunan. Geus sapuluh tahun kabagaean ngabangun jalan, jambatan, sd, proyek ti pamarentah. Unggal taun Cep Robi mayar pajeg. Taun ieu keur nganggeuskeun proyek jambatan Cihuni. Memeh dibayar duit proyek cep Robi sok misah-misah duit dina amplop coklat, keur komite nu ngurus keuangan nagara sapersen, Pajabat nu nyieun komitmen salapan persen, muatan-muatan sabangsanin administrasi tujuh persen.